我唔知佢知唔知我知(5)：飲水思源、動之以情

老一輩教落：做人要識得「飲水思源」。所以我好理解老一輩嘅香港人，佢地記得自己嘅祖先係走難落嚟香港，所以始終都放唔低自己作為中國人嘅身份。

泛民主派所提出嘅「民主回歸中國」，一嘢就講中咗呢班香港人內心深處嘅渴望，係動之以情嘅政治手段。呢班香港人從泛民得到內心嘅共鳴，就完全信任同埋支持佢地，都無再考究背後嘅政治倫理同埋佢地嘅政績。