我唔知佢知唔知我知(9)：特朗普氹掂普京唔出手撐中共

「雖然特朗普喺2016年開始上任，不過佢同中共反枱都只係近一、兩年嘅事，之前都一直搭哂膊頭話習近平係好朋友。」

「咁係因為特朗普首先需要應付俄羅斯。仲記唔記得當時佢畀人爆咗單"通俄門"出嚟？呢單嘢其實真係空穴來風，老侵當時確實有去搵普京傾計。」

「你覺得俄羅斯真係有操縱美國總統選舉？」

「我又唔係美國人，點會知咁多。但特朗普佢自己好明白一樣嘢，就係必須要先過咗俄羅斯嗰關、氹掂普京唔出手撐中共，佢喺總統任期內對付中共嘅計畫先至有機會成功。」

「特朗普憑乜嘢可以氹掂俄羅斯？」

「俄羅斯咁多年來都係想向歐洲擴展。特朗普睇準呢一點，要求普京喺中美格局上從中作梗，咁特朗普就會相應地喺歐洲讓步。所以特朗普喺上任大概一年之後，無端端就話要裁減歐盟嘅軍費。當時佢對住傳媒嘅講法係："你地呢班歐洲嘅死窮鬼，次次都淨係識得攤大手板問美國佬攞錢！我而家就係唔俾錢，你地自己籌旗去應付俄羅斯啦！"」

「普京真係會唔撐中共？」

「俄羅斯同中共之間根本就充滿新仇舊恨。就係因為當年中共同蘇聯反咗面，中共先至會同美國建立外交，掉轉槍頭幫美國對付蘇聯。以前中共會幫俄羅斯買軍火，但而家中共已經識得自己整軍備，俄羅斯反而開始幫蒙古、印度等國家抵制中共擴展。至於普京，佢以前係幫蘇聯政府做間諜，根本恨不得中美兩國攬住一齊死。而家有條癲佬走出嚟話要對付中共喎，梗係買定花生等睇戲啦。」

Pre-active VS Re-active

見到有教會願意對外開放

讓人可以在室內吃午飯

這當然是令人鼓舞的事

不過最令我在意的卻是

有些教會同時卻刻意強調

「不會趁他人食飯的時候傳福音」

這舉動實在是耐人尋味

至於有些人認為教會這些做法

是變相幫助政府拆解危機

我認為教會幾十年來都是如此作風

不會主動帶頭反對政府

只會作出事後補救

所以不值得我們大驚小怪

恐懼支配情緒，繼而失去理智

//政府不斷試，不斷試，試大家信瘟疫信到幾足。結果係大部份香港人信十足。於是政府就大舉「奉瘟疫之名」操縱香港人。想做甚麼，只要加一句「因應疫情嚴峻」就可以。

如果我係香港政府，我已經知道，疫情會永遠嚴峻。//

我唔知佢知唔知我知(8)：對華外交政策可以即刻玩完

「呢幾十年以來嘅中美關係都係建基於1970年代尼克遜總統嘅對華外交政策。當時中共啱啱同蘇聯反咗面，蘇聯唔再供應物資，西方國家又因為冷戰格局對共產國家實施禁運，中共面對絕境，唯有選擇同美國呢個資本主義陣營嘅大佬合作。美國佬覺得同中國合作可以令蘇聯少一個盟友、自己少一個敵人，於是就破天荒地合作，同中共玩"乒乓外交"。中美而家可以有咁多通訊往來同埋合作，完完全全係因為五十年前嘅呢個創舉。不過美國礙於呢個合作關係，不能夠對外承認台灣係一個獨立國家，亦因此令到中共可以取代台灣上到國際舞台，週圍吔文吔武。

好多人都識得講話美國有好多方法對付中共，但無乜人睇得到美國嘅對華外交政策都係其中一招。只要老侵夠膽講"美國佬當年信錯咗中共！尼克遜總統佢誤判！"成個外交關係就可以即刻玩完，中美變返冷戰時期嘅敵對格局。不過呢一招嘅風險好高，因為推翻外交政策就等於絕交，以往中美關係將無法復原。

如果美國真係否定當年外交政策，可以預料佢將會更進一步，重新承認台灣中華民國，俾返台灣應有嘅國際地位，並且透過界定咩係合法政權、咩係非法政權，進一步落中共嘅面子。但到時台灣嘅處境會好尷尬，因為呢個身份地位有連帶嘅政治責任：重拾當年老蔣未了嘅心願。台海會因此變得唔安全。」

Covidiots Everywhere

由上年年尾開始
從來都無機會WFH
日日都出街食飯

如果個肺炎真係咁犀利
點解我從來都無任何病徵？
我係咪一早就應該病死？

來自《V煞》的提醒

//毛澤東成功發動文革，要利用其威望和理論，才可煽動窮人鬥地主。現在林鄭用一場假瘟疫，就成功令人民鬥人民，原本民望極低，變成人民支持其暴政，毛澤東也望塵莫及，難怪在記者會笑左好多次。//

Voluntary Slavery

政府官員一講話邊啲地區係高危、邊啲場所係感染源頭，啲人不但主動避開嗰啲地方，仲會標籤哂來自嗰啲地方嘅人，要強迫嗰啲人戴口罩、接受檢測、收集DNA。就算唔係來自嗰啲地方，唔願意配合防疫、唔願意戴口罩嘅人一樣會畀人舉報、起底。


啲人以為自己做緊「時代抗疫」，佢地搞錯哂。呢啲係文革式批鬥、係納粹歧視猶太人嘅套路。有睇歷史嘅就會知道呢啲係「製造共同敵人」、「拉一派打一派」，都係極權政府嘅常用手段。

我唔知佢知唔知我知(7)："My name is 質 ... 人質"

「嚟到呢個時勢，係會覺得行出街都無咩嘢可以做到。唔緊要嘅，咪專心做返好自己囉。得閒就去操fit啲自己、學多一兩種外語、睇吓書......尤其係要睇多啲歷史書。

諗起網友一句說話：身為一個人質，就做返人質應該要做嘅事......或者我要再補多句：小心唔好患上斯德哥爾摩症候群。」

培靈會後感：唔知係應該嬲定係應該笑定係應該感恩

啱啱聽完一個培靈會講道。牧師講故事好生動好搞笑，解經都係正正常常嘅。點知跟住佢話「香港搞到今時今日咁嘅局面，係因為好多教會只講政治唔講福音」。之後又提到基督徒只佔香港人口總數5%、好多人唔返教會係因為「好多基督徒甚至牧者都唔強調聖靈工作、唔祈求聖靈參與」。又話香港有好多莊稼等住工人去收割，呼籲弟兄姊妹去讀神學，不過要識得揀嗰啲「強調聖靈工作嘅學院」去報讀。


聽聽吓覺得唔對路，就去搜查牧師宗派背景，原來係神召會，即係靈恩派，唔怪得一去到應用層面就講哂啲宗派立場出嚟。


聽到牧師話「靈恩教會喺全世界好多地方都得著復興，剩係得香港無」，我都唔知係應該嬲定係應該笑定係應該感恩。

街坊之間的雜談 Vol. 59

2020.06.19 下午

(三百二十一)
「縱使疫情肆虐，我身邊仍然有朋友選擇如期舉行婚禮。」

「這世代不少人都寧願低調結婚而不想大排筵席，這疫情算是幫助了他們。
如今他們只需要安排兩家人一齊吃一餐晚飯，免除了很多麻煩。」

----

(三百二十二)
「綜觀中國幾千年歷史，有很多時候都是群雄割據，
真正統一的時間並不長。粗略計算的話，
內亂的總時間長和統一的總時間長幾乎達至四六比。
這證明了永遠維持統一的想法是違背了歷史的軌跡。」

----

(三百二十三)
「你們聽過我以前在教會的講道，多年來我的想法始終不變：
教會理應可以接納不同政見的弟兄姊妹。只是香港經過這一年的混亂之後，
我也開始懷疑：仍有可能達致兩邊陣營的合一嗎？」

「牧師曾經旅居北美，當地黑人和白人之間的種族衝突也是非常厲害。
當地教會對族群衝突的處理手法值得我們借鏡嗎？」

「(思考片刻)......感謝提醒，確實有可以參考的地方：
就算當地社會幾十年以來充滿族群之間的敵視，
不少教會牧者仍然願意跨越這些鴻溝，嘗試跨種族服侍，
也致力讓不同膚色的人士可以在同一間教會聚會。」

「這都是值得感恩的好事。」

「只是不久前發生了BLM運動，把族群之間的新仇舊恨再一次爆發出來。
那些牧者都慨嘆：多年的服侍成果就此付諸東流。」

「噢......」

----

(三百二十四)
「Gary你認識曼陀羅嗎？」

「我不認識。你來介紹一下吧。」

「曼陀羅是一種佛教繪圖藝術，繪圖的過程同時也是一種修行。
整幅曼陀羅代表著其宗教的宇宙觀，所以總是色彩絢爛。
每次繪圖都從正中間開始，由內到外，動輒要花數小時。
至於修行方面，則在於要求畫家不帶任何情感、耐心地完成繪圖，
並且在完成之後一口氣把所有繪圖抹掉。」

「為何要把所有繪圖抹掉？」

「是要藉此提醒自己"萬物皆空"——
無論花多少時間和心機，世上萬物最終都只會歸於無有。
清除繪圖的過程同時也能夠幫助自己捨棄物質及自己的執念。」

「若要使自己捨棄物質的話，"斷捨離"也有近似效果，
何必花時間額外繪圖，然後再捨棄呢？」

「不少人口中所說的"斷捨離"其實只是幫助自己清理不必要的雜物，
之後還是會再有新的物質進佔，所以只是新的物質取代舊的物質。
曼陀羅的修行卻不會有新的物質佔據自己的空間，
繪圖被抹掉之後就甚麼都沒有，真真正正達至"空"的狀態。」

----

(三百二十五)
「其實在民國及軍伐割據時期，中國的學術發展仍然是非常自由，
只是後來在中共管治下才開始受限制。」

「的而且確，近代中國學者難免要為中共政府說項。這減低他們的可信度。」

「......順便一提，之前我在學校上佛學研究的課堂，
老師叫學生選讀的都是來自外國學者的英文文章。」

「這很意外。為何不選讀中國學者的文章？
中國的佛教歷史也很源遠流長啊！」

「恐怕老師們都選擇不相信近代中國學者，寧願參考外國的研究。」

反思「讀歷史要先留意文本」這個主張

「每當我們回顧歷史，少不免會"戴著今個世代的眼鏡"，沿用現世的眼光和價值觀去閱讀，這只會得出主觀的見解。」


「......若要解決這個問題，就要了解該歷史時期的文化差異和道德標準，以當代的眼光和價值觀切入，尋求更準確的分析。」


「只是紀錄歷史的人都會有相同的問題，他們同樣是"戴著屬於他們那一代的眼鏡"去寫下各種記錄。所以當我們嘗試以當代的眼光切入歷史，其實也只不過是"戴著前人的眼鏡"去閱讀他們的詮釋而已。所得的見解仍然是相當主觀。」

我唔知佢知唔知我知(6)：股樓繼續升

「點解到咗呢個時勢，股市樓市仲係繼續升？唔係應該跌嘅咩？」


「外資撤出香港嘛，紅色資本咪趁機入市囉。升先至係正常喎。」


「係喎，國家隊全面進場。」


「而家睇股市新聞，已經好少再聽到會德豐、太古A、怡和呢類外資企業......」


「變哂做中行、建行、華為、阿里巴巴、騰訊、中人壽、中移動呢啲國企。」


「所以我好佩服嗰啲而家都仲夠膽入市嘅散戶。如果佢地咁都仲賺到錢，我恭喜佢地。賺唔到錢嘅我都恭喜佢地。如果佢地輸到爆廠，要上IFC跳樓嘅......我真係恭喜佢地呀。」

再會於世界的盡頭

每當見到相對較年輕的親友去世時
就總會懷疑長壽對自己是否一種福氣

一年前我沒有說出來的想法

若非考慮到眾多香港市民的福祉，我其實希望2019的抗爭以失敗收場。唯有抗爭失敗收場，政權更加肆無忌憚地打壓，香港各教會才會痛定思痛，反省幾十年以來自己所犯的錯誤。


總會有基督徒求問神：自己在這時刻、在這社區當中有甚麼身份、甚麼使命？既然問對了問題，就會察覺到自己需要聆聽來自社區的聲音、關心社會議題；所謂「服侍社區」其實就是要放下自己去承載社區的需要，而不是一味要求社區聆聽自己的聲音。


香港不少教會牧者犯了一項錯誤，就是覺得自己沒有關心社會的責任，繼而否定那些基督徒的服侍方向，甚至把他們標籤成「社會福音派」。久而久之，教會只專注發展自己的王國，不但沒有聆聽來自社區的聲音，甚至忽略了教會內的異見聲音。這些異見者的年齡層已經從起初的大專生群體擴闊至中年信徒群體，最終引發離堂會的風潮。


至於另外一項錯誤就是有好些基督徒搬弄是非、顛倒神的公義，在教內教外都已經變成了熱門話題，在此不贅。


小弟相信一次又一次的社會動亂都是神的管教，迫使弟兄姊妹以至教會牧者反思自己的身份和使命，以及何謂「神的旨意」。