「唔少人唔識路，巴士埋站後問司機係好正常
但你問之前就已經嘟左八達通先？萬一上錯車咪蝕左？」
「好多旅遊指南都叫遊客搭1A往返尖沙咀同埋旺角，但其實仲有好多路線都得，
好似1、2、6、9號等等；1A其實係咁多條線之中收得最貴既
但好多遊客怕麻煩又唔醒目，淨係識得搭1A，我地年中見唔少
明明前面就有架收平尐既1號，但佢地係都要搭1A，真係搞笑」
----
「兩蚊雞優惠？而家成日都有好多老坑出黎搭車，仲要坐上層，真係多得佢地唔少
尐長者去飲茶、去街市、去遊車河，乜線都係兩蚊，仲要日日都係咁
結果而家有好多長者成日出街、成日企o係巴士站等車」
「唔係講笑架，條村入面尐細街市無競爭，尐野就會賣得好貴
但而家尐長者識得坐車出去隔離區個街市，尐野賣平好多
車費來回只係四蚊，點計都係更平，結果搞到尐細街市拍哂烏蠅」
「有尐傷殘人士有張佢地專用既白色八達通卡，佢地都有兩蚊雞優惠
但好奇怪，有時你見到乘客用白卡，但佢望落好正常，唔似有傷殘！
都唔知佢係咪個腦有事，定係借左張卡俾屋企人用......」
----
「以前只有員工著制服，所有見到著制服既都知道係自己友，可以掂行掂過
點知後來試過有巴士迷偷制服，所以而家員工同家屬都要曬證，話知你係咪著住制服」
「隔離公司既員工上車都係唔使俾錢！互惠互利嘛！
不過行內總有尐人同自己過唔去，一見到唔係自己友就死都要人地俾錢
之後傳開左就俾其他人針對、玩番轉頭，何必呢」
----
「每逢塞車、意外、打風，梗係無咁準時
如果對上一班車無遲到而你係之後既第一架，就好大鑊：
個個站都有一條人龍，仲要個個都燶口燶面，有尐直頭粗口問候添；
幾個站之後，後面架車無咁多乘客上上落落，好快就追到上黎
再過多幾個站之後第三架車都差唔多追到上黎
......曾經試過見住五架車一齊番入總站，應該都係一個紀錄黎」
「有尐霸王客好鬼賤格，一係俾少幾毫子，一係直頭唔俾錢
叫佢過番黎俾錢，點知佢話俾左錢，係我搞錯左，結果傾唔掂數要停低架車叫差佬黎
結果差佬都話係個霸王客無俾錢，條友仔跟住話『咁啊，再入多次錢囉~』
差佬跟住就當無事發生過架啦，唔拉又唔鎖，叫我繼續開車
之後仲要俾公司鬧，因為有其他乘客投訴我浪費左佢地既時間
咁下次再遇到呢D乘客，一停低架車就擰轉面
話知你係曬證、俾散紙、八達通、俾少左定係無俾錢，一於費事理；
係公司損失咋嘛，都唔關我自己事，何必阻住自己搵食、同自己過唔去？」
沒有留言:
張貼留言