「月頭話隔離條線唔夠車，拉左我地幾架過去，點知而家又話多得滯，又派去第二度
家陣先至月中咋，時間表已經郁左四次，都痴痴地線既
唔好問我番工咩時間，我朝頭早起身先打電話返去問」
「驗身、被主任召見、上堂竟然係用本身放假的日子，痴線既......」
(點解隧道口成日見到吉車過海?)
「過海線超哂時先到總站，已經係另一間公司的營業時間，咁個站長會掟架車過海；
但如果過到去都仲係過鐘，仲係另一公司的時間，咁架吉車咪又要過多次海囉......
都唔係做生意既，浪費哂D油錢隧道錢」
「逢親馬路有工程要改站，都應該係改疏D站位，點會聚埋哂同一點架？
十九幾條線架架車都要泊埋同一個位，結果條車龍咪好長；隔離公司就醒好多，
將站位移到最前，每次埋站都係爬頭Cut入黎，先唔會同我地一齊慢慢塞」
「俾你做站長，上頭話唔俾郁呢條線的車隊 (驚俾人投訴脫班)，
但轉個頭又話隔離站頭條線有事又要入你數。
咁你可以點做？條條線都可以話唔夠車既，咪唯有焗住放車過去咁啦......」
「派埋D字軌奇奇怪怪咁，獎金又唔係加得多
只不過同病假既薪金差少少，見唔對路咪鋤下假，駛乜搵自己笨？」
「太多廢人倒公司米，日日進步就無乜可能，見步行步就差唔多......」
沒有留言:
張貼留言