獨家專訪

(廣告時間)
任飲任食不限時火鍋　每位元
嘉豪酒家　長沙灣元州街188號天悅廣場1樓 (油站對面)
(廣告時間完畢)
----
註：私人內容，請勿私自轉載!

(20130912-火鍋桌前)
「四日前你75X單意外，冇事嘛?」
「冇乜野，係俾尐玻璃碎整傷頭頂，同埋隻左腳擦損左少少者」
「喂唔係呀嘛! 我睇電視，你架車車頭爛得好緊要，凹哂入去播?」
「凹o個邊係左邊，右邊冇咁嚴重」
「電視話『懷疑尾車收掣不及』，係咪真的?」
「唔係咁架! (意外)o個時睇住前面架74X，見佢一路唔踩brake自然減速，
又唔著死火燈喎，咁咪行住50，照跟番兩秒距離。點知只係望一望右邊倒後鏡，
望番過黎o個時架74X已經好近，我心諗『幣啦，呢次一定撞......』，
即刻踩brake啦，臨撞o個時條軚稍微拎向右，將撞擊力卸哂去左邊，先至冇乜傷......
架車停低左後，見自己仲郁得，咪走去睇下、關心下車上尐乘客點。
你知啦，尐『白狗』(非低地台巴士) 冇頸枕嘛，咪好多乘客撞到口傷面傷，
有一個女的隻腳夾住郁唔到，好在之後救出黎都只係瘀左。
好彩係『白狗』而唔係『金狗』(低地台巴士) 咋!
『白狗』車架硬淨好多，又咁好彩坐高左少少先至冇事，
如果係『金狗』o個尐纖維版，肯定撞倒夾住腳啦!
今次真係覺得好好彩，所以跟住o個日即刻去左還神」
「要唔要揹鍋?」
「5分就肯定記硬啦! 之前九巴已經call左我番去傾計，話呢次都冇牽涉人命損失，
乘客賠償就照賠，但如果要打官司既話，我可能唔會有任何backup；
警方o個邊反而仲未叫我去落口供」
「九巴出事後唔係有派人到現場嗎?」
「你話傾電話o個條友? 保險部架，黎睇下撞成點，之後點同保險公司傾架咋」
(註：九巴的作風是一向不幫助司機「打甩官司」，名副其實「你死你事」......)
「咁有冇心理壓力?」
「冇! 又冇撞死人自己又執番條命，點會有。只係有時夜晚訓唔到......」
----
註：父母親信主後帶他們參加佐敦堂的姊妹是這位75X司機的妻子
他們的獨女在教會是同工，但他一直都未信主
(可能因為妻子沒有做好見證的緣故，but that is another story.)