聖誕快樂

考完試唔一定就係放假
能夠放假都未必會快樂

跟notes說再見
重拾昔日的樂趣

----
https://www.youtube.com/watch?feature=player_embedded&v=SXh7JR9oKVE

回望11月

第一週
準備不足，用了啟2:4-5提醒自己不能再這樣(已經持續一段日子)
學業最煩忙的時期，要重新思考各項事物的重要性

第二週
憎恨present，特別是某類「為present而present」的
對我而言，好的present大多是informative--就如lecture
開始失去耐性，短期記憶很差，
別人交代/自己剛做完的事轉眼就忘記
(溫書用的中期記憶僅有輕微影響)
有很多念頭最後都不上心
(剩下的不說了)

那一時段，同一地區，同一個原因
招聚了不少基督徒

很感恩，
就好像那七千人一樣
在此歪曲的世代，能夠持守信仰

發現自己好像不能放下侍奉
卻發現　原來主自有安排

第三週
我發現了一個缺點
當我持續有忙亂的節奏時
縱然能keep住靈命，卻不能維繫關係(特別是組員)
在這段時間完全是「生人勿近」的狀態

講求需要預備的、獻祭式的呈獻
恕我不能在此甘心樂意擺上

第四週
只能說是愈來愈亂，
預定繁忙持續到12月中
原本要練琴的時間都沒有了，
如何向老師交代???

抓緊神　不放過任何機會
神恩典真的處處可見
使我有信心繼續走下去

----
實在熱衷於motorsports
所以才會玩LFS，以至於會用Fraps紀錄下來
(有若干人問我剛上載的短片中車手是否另有他人...)

23 Oct 2010 02:40

今日晚上列席了詩班會議，之後又跟YKK傾了一會電話
兩邊的人都關注我的學業、健康同侍奉的狀況，兩邊都話「頂唔順就應該下崗」
我一概回應：「我(狀態)唔得就會出聲。」

經過一番思考，現時侍奉最困擾的地方是每兩個月就有一個星期日要全日侍奉(朝九晚五)，算是體力勞動較多。但是如果要作出取捨的話，應該放下的不是侍奉，而是學琴(classical)。比較因素在於所付出的時間、心力與回報(classical係難好多)，以及信仰原因。只是老師定意要我報考下年的試，學classical也提醒並糾正不少壞習慣，老師本身都是司琴(獨唱伴奏及教會詩班)，所以一直堅持學習。

另一方面是以教會著想。Fox當初的推舉證明了他看見教會有這個危急的需要，但問題依然沒有完全地解決。最理想情況是兩個詩班四個司琴，但直到今年頭，兩個詩班各有一個司琴要由指揮兼任。若果編排人手不當，最壞情況下要出錢聘請外援。

個人方面，我很享受在頌光的服侍；崇拜部會議有人提出讓詩班司琴在兩個詩班輪流服侍，大部分頌光詩班職員都反對。

(本來答應YKK返教會先講，不過到時應該時間不足......)

我很失望

真的覺得自己在內在外實在十分不同
在外：認真、負責任、準時、勤力、有能力
在內：慢條斯理、推卸責任、懶散、無用

另外就是覺得
自己在學業上的用功得不到家人的諒解
(事業與學業根本不能互相比較啊~)
時間完全不夠用，要開夜車，
有壓力時想向他們訴苦，他們根本不懂得回應，
有時只會煩厭地抱怨及指摘，被一個人罵時其他人還要插咀
尤其對著娘親更要不得回應......只會帶來沒完沒了的爭執

......

這是我第一次對自己的家感到失望
諒解......根本就沒有在這裡真正存在過

或許到了大學第三第四年
我會直接到睡前才由學校回家
對著家人都如此吃力，何必呢？

「手攰腳攰，一兩日都可以回復到
惟獨個腦攰，抖幾日都未必搞得掂」

發現近排打少左機......(除左RC)

反而聽歌多左
----
http://v.youku.com/v_show/id_XMTk5MTM3Njky.html

日出而作，日入而息

PE'Z 09年的album　分Day Side及Night Side
望封面　一次過推出36首歌，覺得品質好極有限
開頭聽落，有少數粗糙之作，在車內「音爆」還勉強可以

點知後面愈聽愈過癮
尤其一轉播Night Side　以為自己去了jazz club......

----

話說在學校玩LFS引起不少同學的興趣
難道sem-break時那裡會變成網吧? XD

又話說下sem爆科爆credit......愈來愈覺得dept真是勁ES的

The 4 'Lectures'

Most people would consider the first two lessons too informative,
Then the last two talks come, revealing many things that we should learn.

Observation
Interpretation
Application
......

There are so many things waiting me to try out
There are many times of failures ahead, waiting me to face them
Just dont forget you have support

If you see this, add oil~~
May confidence and HIM be with you
: )

特．記

話說我地有一科關於datebase要做group project
個Tutor話要使用Second Life先至搞得掂
「咩野係Second Life? 我淨係識Half-Life咋~~」

(任何唔明的人請睇呢度)

同學：
「睇3D畫面，好暈」
「可唔可以改性別?」「不如玩易服啦???」......

不過最正係可以好似超人咁「一飛衝天」XD
----
避得到一時　避唔到一世
上次撞見Mr. Au　今次要一齊上堂
可能畢業前會愈見愈多(註：佢讀 DD - Computing & Management)

Survey Camp結局

印象中無o係呢度提過，而家講番：
Top Leader(其中一個yr2)　  A+
Group Leaders  　　　　　    A
Other students(包括我)　　   B+
知道左個結果好唔忿氣
唔係後悔自己邊度衰左，而係自己太認真
由o個條死教授一開始話「合埋交一份report」
就應該估到佢條界線會鬆過海綿蛋糕
隔離幾組人乜都唔識，結果連sketch都出唔倒
累班yr2執手尾趕通霄，點知出番黎成績係一樣

話說以前Survey Camp唔會見到呢個教授
俾分係嚴謹同認真好多
而家有左佢，就好似當去旅行咁

不過有一個低B仔
居然可以乜都唔做，將本空白field bk就咁交上去
結果再跌一grade，得B

今次有好多人o係個camp度執番身彩
但係教授咁樣做，都唔知算係幫佢地定係害佢地

Explanation

詩班投票...我有1票...誰投的?
希望票數不會跟年月成正比

詩班錄音這工作...一個新的嘗試

繼總機之後Elaine姐姐也有學鼓!!!!!
只是穿裙打鼓真是相當冒險

The Feeling of Home...

不少哥哥姐姐都曾經表示
中午堂主席間中會忘記詩班的存在，直接跳到收奉獻及家事分享
或者......我們也應該體諒他們一時的疏忽

總覺得教會有不少人「身懷N技」
甚麼事都可以應付自如
雖然說我們不應互相比較
但看見別人能夠學得好，也會使自己有衝動想去學的 (當然，是想學好而非「半桶水」)
況且教會諸位前輩都很樂意也很會教人

話說今日下午跟J哥哥及M姐姐有超過一小時的分享
與他們的談話比想像中奇妙
有很多大家都認同的見解
其中之一是......滿18歲的年青人都應該去申請公屋

學校帶來了不少問題......一時間校園生活非常不方便

最後......非常感謝Jacky接受我們青D區的挑戰 : )

開學第二日　等上lecture
見到Alan Au行過，仲同我打招呼
心諗：「要一齊上堂咁pk???」

好在佢係去隔離間房上堂......

The last organ lesson (in church)

四堂風琴班話咁快就完
覺得風琴同鋼琴根本係好唔同
最大麻煩係手腳依然唔協調(手、腳分開練都不得要領)
練對併真麻煩

呢個月真係唔易過
平日要勁book時間o係教會練，剝削左彈鋼琴既時間
但係每次練完都好似被洗腦咁，下次返黎又要重頭練過
每次上堂時彈番，好似無練過咁，超級無奈

我覺得，克服呢個問題要用既時間唔會短
(學彈鋼琴都以年為單位)
但我承認，我對鋼琴既興趣比較大

......

菲國政府的態度實在匪夷所思
是我們把社會穩定及生命的保障看得太理所當然吧 ?
----
我突然好擔心
在香港寄居的菲傭會否被虐待 / 歧視 ?

私記

15 Aug　打保齡
組合：(哈4組) + (非仔姐) + (頌光)
玩得好開心(雖然有少少貴)，玩到隻手有D痛又有乜所謂

16 Aug　買風琴鞋
跟Sally姐姐、Derek & Sharon一齊
貿貿然逛了旺角金都　所做的卻跟結婚一點關係也沒有
有合適尺碼的現成貨，實在不能「執輸」

既是鞋已買，就要好好練習了。

Refreshed

很久沒有如此的投入
很久沒有如此的專注

我相信神真的與我們一起

The first organ lesson (in church)

(一開頭收到email話可以o係教會學，仲係Sally姐姐教o個時
真係覺得有d突然)

----

原來彈organ要特別訂製一對organ shoes(有D人可能改用跳舞鞋)
所以遲d要「約出黎一齊買鞋」(好在唔係約13號星期五 XD)
唔著會容易「拗柴」(不過聽說魏師母可以唔換鞋都無問題)

D organ stops多過乜咁(不過好在有memory記低settings)
pedals都好多，可以想像彈o個時就好似跳舞/騎馬咁

Sally姐姐對年青人好有信心
話我地「練過下之後」就可以考organ試(ABRSM exam) =.="
理據係　因為佢都係自iana出世後先開始學!!!

----

o係教會都有「輩份衝突」：
為左唔想人地覺得自己好老，自己通常稱呼比自己大既做「哥哥姐姐」
但係其他同輩(無論比自己大定細)可能叫佢地做「叔叔姨姨」=.="

鬆一鬆(edited ver.)

今日
去了沙田文化博物館

結論是
完全不能理解那些近代作品到底有多「藝術」
可能我對「藝術」一詞有偏見
否則，我們都可以(甚至已經)成為畢加索，更可以是「畢加思索」

但更有可能的是
我對「星期三免費入場」期望過高
又或者是「無聊學」已成為了藝術評審家的必修課程

(後記：寫後才發現我一直要批評的應該是「文化」，不是「藝術」 =.=
不過政府也很喜歡把它們混在一起談，所以不能說是自己的錯)

詩 17:15

至於我、我必在義中見你的面．我醒了的時候、得見你的形像、〔見或作看〕就心滿意足了。

好勁的境界~~~

週日時間表

以前LOGOS既時間係11am - 1pm
下個月開始係2pm - 4pm

以前雖然係辛苦少少，但係有個free既下午
而家變左中午有成3個鐘頭既空檔(11am - 2pm)......

the importance of 公約
the importance of 操練
the importance of 祈求
the importance of ......

今次開組實在獲益良多
感謝當中所有人，尤其是為我們守望的Jacky



《我還缺乏甚麼》
http://www.youtube.com/watch?v=-G-AkQzWLlE&feature=related

so beautiful......

感恩

哈哈
4/7 才藝show有好多驚喜，真係好正

11/7 讚美之泉都好正，隊band同D細路好屈機

同埋呢個禮拜勁見到自己組員: )

只此一次的Non-stop

2010年7月4日
09:00　詩班練詩
10:45　早堂獻詩 + 聽道 + 中午堂獻詩
13:15　(午飯休息時間)
14:00　下午堂練歌 + 敬拜
15:40　下午堂講道期間與詩班練習「頌光也瘋狂」
16:20　下午堂回應歌等三首曲
17:00　才藝大匯演司事 + 「頌光也瘋狂」表演
21:30　(完結)

Lunch後完全「一條龍」
事後回想，這紀錄應該不會有第二次的了

有一個唔使早起既週日真好

名副其實「安息日」:)

十日camp已完

中午已經回家了
整個下午都在睡，醒來後依然疲乏
未來幾日也要抖一抖
如無意外，camp grade最少可以有B，甚至B+或A
一切視乎professor心中的印象分而定
只是又要等一等才知道結果

另外
聽到了很多好消息： )

Survey camp第五夜

十日camp過了五日，過得好充實
基本上朝早出去度野拎data，夜晚要自閉計數做report，
做得夜，跟住o個朝仲要鬥早起身(費事爭位做field work)
(多得一開頭有做滅蟲工作，蟲患已經不再係問題)

第五晚，係一個轉捩點
因為field scheme既主持人對我地全部人太有信心
太過有責任感真係唔掂，真係大家攬住一齊跳崖

環境係幾自然，眺望到成個石崗區，
夜境激讚，(可惜相機影得唔夠好)

11~20/6 入camp

石崗 嘉道理研究所
(聽講o個度既蟲患好恐怖)

好難想像十日非人生活之後我會點樣

Emmanuel

去學傳camp
訊息又是源自來11及12章
有一個很深的感覺：
倘若我們真是在賽道上奔跑
總會出現只有自己一個人跑的時刻

雖然沒有要作全職事奉的感動
但亦明白若以後的日子交在神手中
就要好好把握現在的機會

惟恐怕出camp後打回原形 >_<
----
營內不斷出現gag：
話說小組後玩uno
「天離地有何等的高，神使我的勝利離我也有多遠」
點知跟住即刻贏左
sunny：「其實天離地都唔係好高......」

幸運時，一開局就有6條5
不幸運時，被人勁draw十幾張(好似阿一所說的：「路(怒)加福音」)

敬拜
一係就唔識，一係就o係「敬拜讚美會」唱過
第一晚晚會打電子鼓o個個細路，真係好有恩賜

禁食祈禱會
實不相瞞，前後有山楂餅頂住

街頭佈道
人生中最爛的普通話也要用上
想起臨出隊時：
「another D-day -- 登陸天水圍」
----
剛剛聽了上個主日錄起的recordings(不知是否出自影音部)
好感動，新一年新開始，繼續把最好的獻給神

今晚可能仲要捲入另一埸叫 advanced wars的恐怖戰役

對上一次開組證明左
青十組員之間的火花可以令青十組癲過青十一組

聽說教會再搞才藝show係「徇眾要求」
相信就算教牧同工唔落場o個晚都會勁正

原來教會勁多人都有facebook，真係嚇左我一跳
(我講緊既唔單止係青年人，仲包括成人o個邊)

新電腦組裝完成(還要多謝遊俠無私的幫忙)
(現在的crack技術還真是了得)



只是自己的錢所餘無幾了
希望所付出的都是值得

主日司琴招募

完全理解Jacky等同工之所以擔心我們的反應
是因為怕我們本已過重的擔子更加不勝負荷

只是
這原本不是由青少年包辦的崗位
現在要向青牧「埋手」
可想而知這缺口多麼不容忽視

Mid 你個 May

sem　已完了九世
考試　已被KO

又要plan下有乜要做
----
上個週日因事繁忙　第一次o係教會地下食lunch
(死啦　愈來愈覺得好似返工咁= =")

見到阿sir輕鬆食完飯　去豪華買蛋撻返黎嘆　有D妒忌

不過o個日都好正
計埋週六　聽左余牧師講三次同一篇道
三次都聽到D唔同既野：)
----
正躊躇銀根事宜時
神終於都應許了祂的賜予

如果所得的反映了自己信心的程度
那麼我對自己的標準未免過低

話咁快，sem就完

最輕鬆的過去了
接下來更要努力

探完Sunny
又交換了玩AW的心得 XD

----

之前睇到呢個video，莫非佢就係jedi的始祖???
https://www.youtube.com/watch?feature=player_embedded&v=GnoI2F-0lU4

特別之夜

不難預料
為受難節所付出的
必定會使自己有所得著
可能因為如此
才會真的有種在三月的Full schedule 裡再Take up這個任務

甚麼叫「竭力進到完全的地步」?
Sally姐姐可以算是活現了出來
對其他人來說可能是強人所難
但有時正正是這種態度
迫使身邊的人都開始認真起來
(證明人是需要被推動的)

崇拜之後與Sally姐姐的對話也是如此
1. 忌變成一個performance
2. 學習如何「帶起個mood」，可以輔助指揮/使班員更加投入
3. Sally姐姐明確表示缺乏司琴的情況縱橫各間教會
(由此暗示「有potential的」小弟可以成為一位接棒者，繼續「交棒」的使命)
----
復活節後很想把感想立即記下
但礙於學業煩忙，延遲至今

Pro-easter review

結果跟預算的有些微出入
本週依然相當充實
完成Present完成test完成project
不斷問自己：「前面還有甚麼???」

Easter week

作個小結
我的拍子感真的十分弱
表現也是十分不穩定
是一個不可靠的司琴

只是連續做了兩日「部長」的感覺好正 XD

1pm 教會地下

在差傳部counter見到J姊妹 (一開始以為佢hea緊)
隨手地拿起了宣教營的人員名單
再聽過她列舉差傳部各路英雄
終於明白為何自己會被很多人「點相」=_=

也難怪當有人提議小弟做宣教camp司琴時
差傳部諸路英雄都紛紛贊成

向她提及自己在聯班的光景時
她提醒了「能力是神賜予的」
「當自己諗住唔掂，就真係會唔掂」
自己的信心又再一次被建立
後來又互相分享侍奉上的不足之處、所擔心的地方，也互相勉勵
(基督徒都是「能醫不自醫」的物體)

作了一個信心的禱告後就去練歌
十分出奇　非常attentive非常聚精會神非常認真
很多人都說「有很大的進步」(明明是不夠時間獨個兒練習的)
好大的鼓舞

感恩神再一次提醒自己
「從神而來」的重要性
更因此發生很大的改變
期望把這個信心帶入受難節的崇拜裡

----

看完別人玩了力生介紹的數字card game
自己代阿龍玩了一局，也只有一局
呢隻game的變數相當高
出牌整蠱人隨時變成弄巧反拙
不過有一點可以保證　就是非常刺激

新與舊的問題

教會升降機內有一張海報寫著「詩班招募」
相關宣傳晨星也有刊登

其實
招募班員的對象不單是青成區
也包括青少年牧區

不過
獻詩時間是主日早堂及中午堂
本身在LOGOS、逆風帶或兒牧服侍的弟兄姊妹不能參與
(相當大群的青年人~)

若果再考慮心志、要早上9時準時出席的話
真的會使人卻步

----

至於Donna口中的「成立一個青年詩班」
這其實是有根據的，
因為頌光的前身也是如此，不過已經是十餘年以前的事了。
當時還沒有青祟，大家都只出席週日聚會，當然沒有問題

再說Donna的解決方法
若只在青祟獻詩，當然可以解決人手問題
但可有足夠時間練習、會否再增加肢體負擔?

Unexpected

「唔好睇少詩班既服侍。詩班係無間道，係臥底黎。
只有獻詩時先見到佢地聚埋一齊，平時可能會散佈o係教會唔同角落，
同我地，甚至係幫助我地一齊敬拜。」
(2010.3.7 早堂)

「真係唔捨得佢地離開，真係好好聽
如果可以唱足成堂，你地話係咪好好？」
(2010.3.7 中午堂)

----
話說王牧師實在好鐘意《最知心的朋友》
早堂獻完呢首詩後：「
好好聽呵？係咪好想唱埋一份？我地都可以架！等詩班撐住我地啦~」

好彩今日唔係小弟負責彈琴。要詩班跟住會眾唱，唱唱下skip左十幾個bars，
小D應變能力都唔掂。
(小弟點解唔彈？因為要幫聲)
----
食完飯繼續練習
今次既對手係Sally (又一個猛料前輩！！)
開始之先，阿Kit已經提醒過我要謹慎、認真
結果都係不能避免咁俾佢「醒」左幾野 =_="
----
下午堂探Andy班
Andy彈得好有感情
如果自彈自唱......(在此留白，請自行想像發揮)

=___="

PM2010之前的傍晚時段　坐在靈修場
本來看著《代禱入門指引》
突然　一群學傳的姊妹走過來向我打招呼
(真不明　我如何吸引到她們的注意)

她們問我看甚麼書　又拿起讀後感來看
剛巧讀後感是寫在莊記舊版原稿紙上
「你讀莊記架？阿邊個以前都係讀莊記架~(招手示意她們過來)」

然後話題被引導到初中的學校及自己所住的地區
(小弟常常在靈修場指著愛民村：「我住o係o個堆公屋後面。」)

有個預感　若非PM2010舉行在即　我想避開下都難

感恩+代禱

第一件事：老姊得到一份新工作
較好的待遇、較好的工時、
而且是老姊想晉身的行業(之前的工作並不是這樣)
兩星期後上班

第二件事：Brian小組夾Band練詩　星期五晚@旺角
弟兄們有玩結他的、打鼓的、彈琴的，非常難得(其實缺一個Bass)

第三件事：上禱告操練課程
昨晚開始為某一個人代禱(求神賜予需代禱的事項)
然後今早得知某人的分享　內容真的很相近

----

屋企開住抽濕機的情況下　以為家裡的牆發霉
細看之下　原來是幼蟲
結果要用漂白水洗牆　未知可有影響部鋼琴

上禱告操練課程　一如所料
功課不能避免地遲交

----
原來那些相片是用來堆砌出一個心.......

聽 Peter弟兄的一席話

Everything has its function has its drawbacks.
----
若是由其他人說出，我可能不會重視
但由他此等對校園侍奉如此熱心的人說出，
我相信必有一番道理

依他所言，
就算對校園侍奉熱心，又有恩賜
幾乎可謂無用武之地
year 1新生好像只有被栽培及牧養的機會
想有機會付出，就要 join活動或上莊
但莊員如此少，workload如此重，如何應付得到？

還有一點　
除了學傳，其他團體少有敬拜活動
詩班就著重詩歌分享，並非以神為中心

----
「當初話要join PM，已經諗過自己頂唔頂得順
只係自己冇check過時間表，心急得滯 join左先
而家真係Hi哂野
唔好話要特登俾時間出席其附加活動，
仲要同其他活動撞時間
自己又未ready好 =_="」
----

不知道要參與這些活動，其中的得著是不是神的恩典
但令自己日益為自己擔心，「諗呢樣諗o個樣」
要我面對這種顧此失彼的光景，難道會是神的安排嗎？

好耐冇上過咁「腦殘」的音樂課堂了
XD

感動

週六開組，開到十一點

各人的分享，很坦誠的時刻
實在是得來不易
我們要好好珍惜，更要好好互相維繫！

----

週日服侍完見到Shirley
她向其他班員說：「喂，(指著我)睇住個細架！」

前輩的一舉一動總能動人心弦，多麼的激勵人心。

嘴巴雖輕，擔子卻重

停一停，想一想，看看自己為自己的前路放下多少障礙......

說近不說遠，就說新年後
逢週一　夜晚　DT查經組(直至完sem)

逢週二　夜晚　輔學(直至完sem)

逢週三　夜晚　基教課程(書都未睇......)

逢週四　夜晚　PM2010(直至完sem)

逢週六　早上　幫學生補習(不打算結束)
　　　　下午　contemp班(5堂)
　　　　夜晚　小組

逢週日　早上　頌光
　　　　中午　logos

(還未包括平時練琴、覆琴的時間呢)
隨著完sem時的測驗、projects等其他活動的來臨，
形勢將會比上面所描述的更加可怕
好難想像新年後的會是何等的「新景象」=_="

朝九晚四半

2月7日
7:30 a.m.
大清早，下雨，「有無搞錯？」

8:30 a.m.
在教會地下食早餐，望著地下部電視，心裡跟著清晨堂敬拜隊一齊唱
紅姐姐將小弟的「所作所為」告訴澤琳
總機的反應：「唔知我幾時退休，唔使彈青崇呢(幻想中)？」

(指揮約了alto音部及小弟提早於 8:45 a.m.練習，但除了小弟外其他姊妹都忘記得一乾二淨)

10:45 a.m ~ 13:00 p.m.
今次能夠大條道理地「拆樓」，皆因低音已經無可再低
事實上，阿Sir不斷指示小弟最低音的8度 chord要出盡力

阿Sir「降一度」計劃順利完成
只是中午堂那一次錯 chord沒有補救到，結果全世界都知

1:15 p.m.
全日最大雨的時刻，「我地首詩 fit 哂，『你是我藏身處』......」

去322慶祝 Dawn的生日，反而助長噪音污染
話說 logos core人選已定，小弟：「結果ykk無份......」
Sunny：「抵佢啦！鬼叫佢成期唔返......」
慶祝完後已經是1:45 p.m., 不能吃午餐了，匆忙返回大堂

2:00 ~ 4:30 p.m.
Final rehearsal大家都好緊張，
緊張到幾乎奪去讓會眾「靜默候主」的時間來練歌
出奇的是，之前大家都好似未熱身，敬拜時反而有著好的狀態

聽三次一樣的道已經沒啥感覺，反而第一次坐頭排感覺好新鮮
身旁有一位陪我敬拜了三堂的弟兄，此時已瀕臨昏睡狀態

4:30 ~ 5:45 p.m.
敬科完後跟敬拜隊一齊食Tea，同工分享自己在拓建奉獻上，
在差傳認獻與宣教仕的幫忙上所經歷到的見證，很感恩

7:30 p.m. ~ 10:00 p.m.
去了town hall聽音樂會
----

今日終於明白點解組長說：
「過多侍奉會『整死自己』，亦會降低侍奉質素」
下午堂有一首歌，錯得好離譜
意想不到這竟是自己有練過、最短的、non-contemp.的《三一頌》
幸運的是，這種經歷只會三個月一次，不用太辛苦(下個月是「迪迪」負責呢)
就算能做得好，正如王牧師所說：「......都不是屬於你的。」

----
以下是附加細節：
1.班長私下贈了一席話：
「來侍奉，是讓神使用你自己的長處
我們是來夾歌，不是來練歌的。」

2.早堂聽道，拎起本聖經，上面寫住「講台專用」

3.「Gary冇得join core，不過唔緊要，你要做既野咁緊要」
「o下......我覺得每一個侍奉都同樣重要」

4.質疑logos組員怕 Dawn今日不出席，特意叫她帶查經
(剛巧的是直至上週日(31 Jan)，帶查經張list上2月7日o個格冇人填名，所以阿Dawn要親自出馬)

5.小弟不熟悉主日程序，若沒有看見主席在台下的提示
小弟是完全不曉得《將心給我》(奉獻歌)是何時完的

6.自稱「唔係成日番黎」的 Shirley出席下午堂

7.影音部：「下午堂好地地，點知耀基突然出現，莫非我又做錯野......」
「......點知佢話『EP個 bass好嘈，可唔可以搞搞佢』。」
(事緣小弟不熟用 EP，不小心地開盡 volume，事後耀基形容「有少少feed，又有少少拆左咁」)

8.四月受難節也要出隊

20100205

約人o個個就算會遲，都可以打電話講聲先
唔知乜頭乜路既情況下人地好難繼續等落去

不過朝早訓醒後再訓番既感覺真在係正到冇得比
如果唔係下午有堂好可能訓到而家

----
屋企充斥勁多過期野 =_="
仲要臨近過年
真係食到停唔到口
----

設定限制，係咪為左等人去打破???

真係short左，入左2月都仲以為係2009年

「給我頂住」

被一位弟兄說中了
曾經不以為然地許下很多承諾
常常以為自己的負擔不大，還有能力可以應付

見到自己開始出現疲態
承諾還沒有兌現之時
才明白自己實在太輕率了

還是努力完成眼前的事務
等到新年假才歇一會

The Lost (of the) Ring

一枚Tiffany & Co.戒指
丟落在三樓副堂的鋼琴裡

一打開鋼琴，目光就落到它身上
不是它格外閃爍，而是沒啥特別，
幾乎把它當成一般金屬組件

很粗很闊的銀環，上面刻上數字「18xx」
能夠被遺留在譜架上，相信失主是一位男性司琴吧???

與帶敬拜的姊妹一起細察、研究
若果外人看見，說是小弟送予她的禮物
就真是有理說不清了

Twinklw twinkle little star

https://www.youtube.com/watch?feature=player_embedded&v=NO-ecxHEPqI#t=0s

入學傳camp，請記念

耶和華用能力創造大地，用智慧建立世界，用聰明鋪張穹蒼。(耶 10:12)
https://www.youtube.com/watch?feature=player_embedded&v=UNV0q2n8rV8#t=0s