20190411

喺寶馬山其中一條馬路盡頭處，停泊咗一部警車。裡面兩個PC只顧住蛇王完全無理會我，點知我行到近車尾時突然傳來兇狠嘅狗吠聲，原來車尾仲有兩隻警犬，分別用兩個大鐵籠裝住。

工作需要緣故，我咁啱就要企喺警車車尾，嗰兩隻警犬就一直係咁吠。吠咗一兩分鐘都仲見到我完全無郁過，啲狗就開始panic，不斷喺個籠裡面兜圈、跳嚟跳去，搞到成部警車左搖右擺，名副其實「車震」。

車頭嗰兩個PC見到勢色唔對，即刻開車走人。兩隻警犬繼續吠，隔咗成條街都仲可以聽到，真係好氣好力。